Lap ka JSM ba jyllei ki nongtrei bylla bym don kot sla ha Saphai

Syllad | The Rising MeghalayaMay 21, 2021

Ka Jaintia Students Movement (JSM), Saphai Unit haka jingkhyra ia ki bar jylla ba trei bylla ha ki kharkhna, surok bad kiwei kiwei ha Saphai kala lap haduh 26 ngut ki bar jylla kiba ym don satia kino kino ki kot sla ba kynthup iaka labour license bad kiwei ki kot na ka JHADC haka sngi Thohdieng.

Kane ka jingkhynra nongtrei bylla ka JSM ka long haki Kharkhana ot dieng, ki nongtrei Surok bad kiwei kiwei ki jait jingtrei.

Kane ka jingkhynra ka JSM iaki bar jylla kalong hadien ba kala ioh jingujor na ki trai shnong kiba ym ioh trei bylla, hynrei jyllei pat da ki bar jylla ba katei ka thain ban trei ia kino kino ki kam, ong u R Biam, president JSM Saphai Unit.

Ka JSM kala ai por shibnai ia kine ki bar jylla ba trei bylla ban pynbiang iaki kot ki sla bad lada kim lah ban pynbiang ka JSM kan leh da kaba tyngeh. Ka JSM ka mahm jur ruh iaki kino kno ki trai ri kiba pynshah kyrteng (benami) ban pyntrei ia ki kam bapher bapher ha katei ka thain.