Lap ka KSU Nongthymmai 289 ngut ki bar jylla kiba bym biang Work Permit

Syllad | The Rising MeghalayaMarch 22, 2022

Ka Khasi Students’ Union (KSU) Nongthymmai Circle hapoh ka jingïalam u Assistant Organising u Kyrmenlang Mawrie, President KSU Nongthymmai Circle, u Erik Nongkynrih, u General Secretary u Richard Mawkhiew haka sngi Nyngkong ki la pynlong ia ka jingkhynra ia ki bar jylla ha ki bun tylli ki jaka.

Ha kane ka sngi la synrang lang da u Organising Secretary KSU Sengkmie u Ostranic Marbañiang bad kiwei dkhot ka seng ki la leit ban kynra ia ki nongtrei bar jylla haki thaiñ Lawusib, Rynjah, ITI, Thembasuk bad  Mawblei.

Ha katei ka jing kynra ka KSU la don kum ba 289 tam ki bar jylla kiba ym biang iaka Work Permit bad ki kot ki sla kiba pynshisha ba ki dei ki nong India.

Haba ïadei bad ka jingbym biang ki kot kiba donkam na ka liang ka KSU kala phah leit phai ia kine ki bar jylla.