Lap ka ophis u DC ba jyllei ka die kyiad beaiñ ha East Jaintia Hills

Syllad | The Rising MeghalayaJuly 22, 2020

Ka ophis jong u Deputy Commissioner, East Jaintia Hills kala ioih jingtip ba don bun ki dukan kiba die kyiad pathar ha ki shnong bapher ha East Jaintia Hills District bad khamtam ha shilynter ka surok bah National Highway 6 kaba long pyrshah iaka aiñ bad ka jingbthah jong ka sorkar ban iada na ka jingpur ka khlam COVID-19.

Kao phis u DC haka hukum kaba la pynmiih haka 22 tarik kala ai bor iaki Waheh Shnong bad ki dorbar shnong hapoh East Jaintia Hills ban peitngor bad peitbniah ban tehlakam ia kane ka jingdie kyiad beaiñ bad ban pyntip ruh mar mar sha ka bor jong ka aiñ lada lap ia kum kine ki dukan die kyiad.

Iohkem pang COVID-19 sa 2 ngut ha Khliehriat, pynbna ‘Containment Area’ iaki 6 tylli ki shnong

Kum ban shu pynkynmaw ba ka hynnin ka sngi ba Ar ngut ki briew kila iabit khlam COVID-19 ha Khliehriat East bad Khliehriat West bad kine kiba ioh jingpang la ioh jingtip ruh ki la leit sha Deinchynrum, Lad Sutnga, Mookympad, Sookilo ne don ka jingiakynduh bad katto katne ki briew kiba na kitei ki shnong.

Pynithuh ia kiba bit pang COVID-19 ha Khliehriat

Ka District Administration East Jaintia Hills District kala pynbna paidbah ba la pynbna ‘Containment Area’ ne ki jaka ba ma ia kine ki 6 (hynriew) tylli ki shnong khnang ba ka Health & Family Welfare Department, ki Magistrate, ki Health Field Workers bad kiwei kiwei de ki nongiarap ki lah ban lum jingtip ia kino kino kiba la ia don ka jingiakynduh bad kitei kiba ioh iaka jingpang.