Lap ka VDP Madankynsaw ba jyllei ki khynnah ba ngop ha u Kynja

Syllad | The Rising MeghalayaJune 15, 2019

JOWAI: Ka seng da shnong jong ka shnong Madankynsaw, Mowkyndeng, West Jaiñtia Hills District kala lap ba jyllei bha ki khynnah kiba ngop haka jingkyrni ban dih ïa u kynja bad ka dendrite hapoh katei shnong.

Ka VDP shnong bad ka bor shnong jong ka Madankynsaw hadien ba kila lap ïa ki katto katne ki khynnah kiba dih kynja kila bat ïaki bad da ka jingphla jong kine ki khynnah la lap ba bun bun ngut ki khynnah kila shah teh mraw bad kyrni haka jingdih kynja nalor ka dendrite.

Kumta ban khanglad ïa kane ka jingdih ïa u kynja ka VDP bad ka bor shnong Madankynsaw kila leit ha manla ki kper ba don une u jingthung bad jynrat bad thang ïa une u jingthung haka sngi Saitjaiñ.

Ka bor shnong ban iakhun pyrshah ïa kane ka jingkyrni ki khynnah ha une u jingdih pynbuaid kala rai ban wad ki lad ki lynti ban pynioh jingïasyllok ïa kine ki khynnah ba kin lait ban dih ïa une u jingdih pynbuaid.