Lap metiap kaba per halor ka wah Satharlong ha East Jaintia Hills

Syllad | The Rising MeghalayaAugust 3, 2024

Ki bor pulit ka East Jaintia Hills ha ka 1 tarik mynta u bnai ha ka por kumba 11 baje mynstep ki la ioh jingtip halor ka jingdon jong kawei ka metiap bym lah ban ithuh kaba per halor jong ka wah Satharlong, bad hadien ba la shimti la lah ban pyndep ia ki jingdonkam baroh.

U Superintendent of Police ka East Jaintia Hills , lyngba u kyrwoh u la ong, “Namar ba kane ka met ka la pyut, kumta la pyndep ia baroh ki jingtohkit bniah kumjuh ia ka post mortem ha katei hi ka jaka ha ryngkat ka jingiadon lang ki sakhi ba laitluid.”

Hadien ia kane ka metiap bym pat shym la don ba wan kam la pynkynriah noh shapoh ka jaka buh metiap hapoh Khliehriat Civil Hospital, na ka bynta ka jingpynithuh bad shimti.

Une u briew u dei uba la don kumba 40 haduh 45 snem rta, u don ka ryngieng 5.4 phut, uba pyllun dur, uba shai sniehdoh bad pyllun dur, u phong da ka T Shirt kaba iong, bad ka patlun iong.

Kumta la kyntu ia kiba don jingtip ne ithuh ia kane ka metiap ba kin pyntip mardor da kaba phone sha u I/O ha une  u nombor: 8119969604 khnang ban lah ban leh ia kaba donkam baroh.