Lap metiap rangbah bym lah ban ithuh na Mynkre, East Jaintia Hills

Syllad | The Rising MeghalayaJanuary 4, 2025

Ki pulit ka East Jaintia Hills ha ka 29 tarik Nohprah 2024, ki la lapdien ia kawei ka metiap jong u rangbah u bym lah ban ithuh kaba la thiah lyngktar ha lyndet ki dukan kiba don marpyrshah ka petrol pump hajan Sweet Chili Guest House ha ka shnong Mynkre, East Jaintia Hills District.

U Superintendent of Police ka district u pyntip ba ki pulit ki la pynlong ia ka jingtohkit bniah bad la ioh jingtip ruh ba une u briew la suba ba u dei u bar jylla uba la don ha ka rta kumba 50-55 snem.

Hadien la leh ia ka postmortem hapoh Khliehriat Civil Hospital bad la buh iaka met haka jaka buh metiap jong kane ka hospital na ka bynta ka jingpynithuh bad wan shimti.

Kumta la kyntu ia kino kino kiba don jingtip shaphang une u briew ba kin pyntip mardor sha kine ki nombor phone na ka bynta ban leh ia kaba donkam. Phone No :7085809941.