Lashai ka jingialang pyrkhat kam Meghalaya Games

Syllad | The Rising MeghalayaFebruary 11, 2020

SHILLONG: Ka jingialang pyrkhat kam naka bynta ka lympung bah ialehkai ka jylla, ka Meghalaya Games, kan long lashai ka sngi ha Secretariat.

Ki kam ki jam ha kaba iadei ban ka jingpynkhreh ia kane ka lympung bah ki la sdang ban jam shakhmat bad ka Meghalaya State Olympic Association (MSOA) ka la thung ia la ka kynhun treikam (organizing committee), ban khmih ia ka jingpyniaid beit bad ryntih ia kane ka lympung bah ialehkai kaban sdang naduh ka 17 tarik haduh ka 21 tarik jong ka taiew kaban wan.

Kane ka jingialang shong pyrkhat kam yn ia don lang ruh u myntri ba dei khmih ia ka tnat Sports ka sorkar jylla u bah Banteidor Lyngdoh, ki ophisar jong ka tnat ki dkhot ka MSOA bad kiwei kiwei.