Lashai sdang ka Behdeiñkhlam ka Seinraij Mukhla, ai khublei ka Seiñ Kyntu Seiñraij 12- Daloi

Syllad | The Rising MeghalayaAugust 21, 2020

Ka Seiñraij Mukhla kumba julong manla u snem kan pynlong iaka Behdeiñkhlam naduh lashai ka sngi bad kan kut haka 25 tarik u Nailar ha biar jong ka raij ha Mukhla Nongrim, West Jaintia Hills District.

Ka Seiñ Kyntu Seiñ Raij 12 – Daloi ha u kyrwoh bala phah da u Rgh. S Sari Publicity Secretary ka ai khublei Behdeiñkhlam ia baroh ki khun ki hajar jong ka Seiñ Raij Mukhla kiba shong ba sah ha kylleng ki jaka hapoh ka Jylla Meghalaya.

“Ka Sein Raij Mukhla kadei ka Seiñraij kaba khatduh eh na ki raij baroh ha rilum Jaintia ban pyndep iaka Behdeiñkhlam bad ngi kyrmen ba kan long kaba iaid beit iaid ryntih bad jop. Ngi buh ha ka jing duwai hapoh kine ki 4 sngi Lai ia (3 Iaw) ba u Blei Nongbuh nongthaw ba un da un ker un ri un sumar ia baroh ki khun ka Seiñ Raij Mukhla bad kumjuh ruh ia ki Seiñraij bapher kiba hapoh ka Ri ki 12 Daloi bad ka Ri ki Laiphew Syiem ba ngin ioh ia ka met ka phad kaba shaid ba khlain bha bad ban biang ka kamai kajih.

Ngi khmih lynti ba hadien ba la dep ban pynlong ia kine ki lehniam Behdeiñkhlam U Blei Trai Kynrad ruh un beh bad pynjem iaka jingpang Khlam COVID -19 kaba sar lut ia baroh ki Ri jong ka pyrthei,” la ong u Rgh. S Sari Publicity Secretary Seiñ Kyntu Seiñ Raij 12 – Daloi