Lashai yn pynhap pyrda iaka Behdeiñkhlam ka Seiñraij Ialong

Syllad | The Rising MeghalayaAugust 8, 2020

Kumba ju long manla u snem ka Seiñriaj Ialong kan pyndep iaka lehniam Behdeiñkhlam ba shisien shisnem jong ka lashai ka sngi ha tre pyrda Ialong bad mynta ka kynti la pynlong ia kane ka Behdeiñkhlam da kaba bud iaki kyndon bala bthah ka sorkar ban iada naka khlam COVID-19.

Ha kane ka jingpyndep iaka Behdeiñkhlam la iashimbynta tang ki nongialam niam ka raij Ialong. La sdang iaka jinglehniam naduh 1 tarik une u bnai da ka Khrong Niam hapoh ka jingpeit bad pyniaid u Longdoh, uba long u khlieh ka niam haka Raij Ialong.

Ka Seinraij Ialong kala kyntu iaki paidbah bad kino kino ki briew kiba nabar shnong bad raij ba kim bit ban wan sha ka Behdeiñkhlam na ka daw ba hap ban bud iaki jingbthah jong ka sorkar ban iada bad iakhun pyrshah iaka khlam COVID-19.

Kumba ju long ba ha ka sngi pynkut iaka Behdeiñkhlam ki don haduh 12 tylli ki rong kiba wan poi ha tre pyrda na Seinraiij Wahiajer bad Ialong, hynrei ha kane ka kynti la shna da ki rong ki barit kiba long tang kum ki nongmuna bad bun ki bynta la pynlong tang iaka jinglehniam.