Lashai yn sdang ka 18 Above Knockout Football Tournament ka WJDSA

Syllad | The Rising MeghalayaNovember 7, 2021

Ka lympung ialehkai Open To All 18 above Knockout Football Tournament ka West Jaintia District Sports Association (WJDSA), Jowai kan sdang lashai ka sngi da ka jingiakhun hapdeng ka Newhill Sc pyrshah iaka Niaw Wasa United FC haka por 1 baje nohphaisngi ha Kiang Nangbah Stadium.

Ha kane ka lympung ki don haduh 12 kynhun kiba iashimbynta bad la phiah iaki haki saw pool ne thup.

Haka Pool A: Ka Newhill SC, 7 Wasa Utd FC bad ka Khliehchnong Ialong SC.

Haka Pool B: Lumkyrwiang SC, Lutituber Ialong SC bad ka Panaliar SC.

Haka Pool C: Mulang Ialong SC, Kseh Sylle Ialong SC bad ka Pasyih CSC.

Haka Pool D: Caroline Colony SC, Chilliangraij SC bad ka Mukhla Raij SC.

Katkum ka prokram ialehkai kin jingiakhun ha kane ka lympung kin long mala ka sngi haka por 1 baje nohphaisngi haduh 20 tarik une u bnai. Ia ka quarter final bad semifinal yn pynlong haka taiew ba khatduh u bnai Naiwieng.