Lashai yn sdang ka North East Zonal Shooting Championship aiti ka SAM da ki T-Shirt sha ki nongialehkai

Syllad | The Rising MeghalayaAugust 20, 2023

U Bah John F Kharshiing president ka Shooting Association of Meghalaya, Working President Meghalaya State Olympic Association, bad Vice President, National Rifle Association of India u la pyllait paidbah ia ka Official T-shirt jong ka  Shooting Association of Meghalaya ia kaba la aiti ha ki nongiasiat kiba kynsai jong ka jylla Meghalaya kiban iashim bynta ha ka 10th North East Zonal Shooting Championship 2023.

Kane ka rynsan iasiat suloi kan sdang naduh lashai ka sngi naduh ka 21tarik haduh ka 27 tarik Nailr  2023 ha Assam Regimental Center, Thembasuk (Happy Valley), Shillong.

La kyrshan ia kane ka lympung da ka Department of Sports and Youth Affairs ka Sorkar Meghalaya bad ka North Eastern Council, jong ka Sorkar India.

Na ka liang u Bah Neil Sootinck, General Secretary ka Association lyngba une u kyrwoh u pyntip ba ka Shooting Association of Meghalaya bad ka  North East Zonal Shooting Association ki la rai ba kane ka jingiakop iasiat kanlong ruh kum shi bynta ban rakhe baroh shi taiew ia ka National Youth Day kaba la rakhe da ka sorkar Meghalaya bad ka Union Ministry of Youth Affairs and Sports, ka Sorkar india.