Leh burom ka HNLC ia ki 49 ngut ki dkhot ba la shah pyniap jong ka seng kum ka ‘Martys Day’

Syllad | The Rising MeghalayaSeptember 21, 2024

Ka Seng Hynniewtrep National Liberation Council (HNLC) ha ka 20 tarik Nailur ka la leh burom kyrpang ia ki 49 ngut ki nongialam bad ki dkhot ka Seng kiba la kyllon iap ha ka jingialeh kum ka sngi ki riewshlur ne (Martys Day).

Lyngba u kyrwoh u General Secretary cum Publicity Secretary ka HNLC u Bah Sainkupar Nongtraw u la ong, “Da ka jingbynniaw ngi kubur ba ngi hap pynbeit ia ka tarik ka jingpyndon burom ia u dkhot ba nyngkong eh jong ka Seng u Sambor Mawthoh uba la kyllon iap ha ki kti ong ki pulit ka Jylla Meghalaya ha ka 20 tarik u Nailur 1994, ym ha ka 21 tarik kumba la pynbna hashwa”

“Lyngba kane ka jingtip kaba thymmai, ngi la shim ia ka 20 tarik u Nailur kum ka ‘Martys Day’ na ka bynta ka HNLC ban pyndon burom ia ka jinglen lada ka jong u ha ka rukom kaba dei.Ha kane ka sngi kyrpang ngi ai burom ia baroh ki mynsiem bashlur kiba la len lade na ka daw bah jong ka jinglaitluid bad ka hok,” u la ong.

U Bah Nongtraw u la ong ruh, “Ka jingpynkynmaw jong ka seng HNLC ia ka 20 tarik kum ka Martyrs Day ka long kum ka jingpynkynmaw ia ka jingshah pyniap ki dkhot shipai jong ka Bri u Hynniewtrep ha ka jingialeh pyrshah ia ka sorkar India.

Ka Seng ka la pyllait paidbah ruh ia ka thup jong ki 49 ngut ki dkhot, kiba la aiti ia la ka jong ka jingim hapdeng ka jingialeh jong ka Seng HNLC.

Kine ki long: U Martyr Sambor Mawthoh @ Deng deng, Martyr Budnarbing Disiat, Martyr L.Marshillong @ Tiewlieh, Martyr Balajied Dkhar @ Hepkhoit ryngkat bad arngut ki dkhot ka KSU, Martyr Rocky Shylla, Martyr Dawanbiang Shulai, Martyr Shiplang Blah, Martyr Cleverson Basan @ Teibor, bad uwei u riew paidbah Lumlang Mawleiñ, Martyr Delphinus Myrthong @ Khraw Nongstoiñ.

Martyr Sylvester Snaitang @ Bahdeng Krew, Martyr Wantei Kharkongor @ Bantei, Martyr Donbok Jyrwa @ Bush, Martyr Smambar Khonglam @ Smam, Martyr Jan Ryntathiang @ Tiewïong, Martyr Donkupar Marweiñ @ Don ryngkat uwei u riew paidbah Wanlambok Lyngdoh, Martyr Bestar Nongriang @ Ialam, Martyr Ebor Pyrbot, Martyr Derylpeio Sungoh @ Hart, Martyr Greek Wankhar @ Remdor

Martyr Bankit Khongjee @ ieid, Martyr Pynskhem Sohkhlet @ Danny, Martyr Tirot Syiemlieh@Marak, Martyr Saphir Hashah, Martyr Korbar, Martyr Wanpynshai Rynjah@ Gul ha ryngkat u hymmen jong u, u Manbha Rynjah, Martyr Mekammore Ryntathiang, Martyr Malcolm, Martyr Ma Tang, Martyr Vicky Majaw, Martyr Lider, Martyr  Skhem, Martyr Bording Rongson, Martyr Cambridge Mawleiñ @ Jockey, Martyr Arkieru Sumer, Martyr Hemingstar Kharmulong @ Bahdeng Martyr Rangdonkupar Syiemlieh @ Mac, Martyr Royalson@Banrap  @ Smit, Martyr Denilson Lyngdoh @ Chaplin, Martyr Bahritmud Thongni, Martyr Tenzing, Martyr Shen Khonglamin, Martyr Pynhunlang Kharbani @ Aah, Martyr Bankerlang Lyngdoh, Martyr Christopher Khongjee, Martyr Dean, Martyr Kyrshang Syiemlieh @ Kohlieh Banshemlang Tham bad u Martyr (Retired) Cheristerfield Thangkhiew.

Ha kajuh ka por u Bah Nongtraw u maham ruh da kaba ong, “Ki pulit ka Meghalaya ki lah ban shim ia ka jingim jong u Bah Cherish hadien ba u la mih noh na ka Seng HNLC, hynrei shah ngan ong ha phi, lada ngim ioh ban pyniap ia phi mynta, ngin dang iai ap bad bishar bniah ia kito ki heh pulit kiba donkti halor ka jingshah pyniap u General Secretary barim jong ka Seng u Bah Cherishterfield Thangkhiew.