Leh khuid ban pyndkut u kynjri jingpur u Coronavirus

Syllad | The Rising MeghalayaMarch 20, 2020

U Deputy Commissioner East Jaintia Hills District katkum ka jingbthah jong ka Sorkar ban iakhun iaka jingsaphriang jong u COVID-19 (Coronavirus), ula kyntu ïa baroh ki khynnah pule bad ki briew na ka district ki ba wan poi na kito ki jylla bad ri ba la shah ktah ha u khniang coronavirus ki dei ban pyntip sha ka Ophis jong u Deputy commissioner, East Jaintia Hills District, Khliehriat lyngba ka 108, 6009693315 (Surveillance Officer) na ka bynta ban buddien ia ka jing long jingman ka koit ka khiah jong ki.

Ia kine ki khynnah pule bad ki briew na ka District kiba wan poi na kito ki jylla bad ki ri ba la shah ktah ha u khniang COVID-19, la kyntu iaki dei ban kiar na ki jaka ba bun briew bad ban shong hapoh iing 14 (Khatsaw) sngi.

Shuh shuh, la ai kyntu 9a baorh ki nongshong shnong jong ka district ban sait khuid ia ki kti da ka ba thet bha barabor da ka sabon bad um bad ban long kiba leh khuid ban pyndkut ia u kynjri ka jingpur jong ka COVID-19

Ki kmie ki kpa/ ki khliehduh jong ki ophis/ ki Rangbah Shnong/Ki Seng treimon sngewbha hapoh ka district kidei ban shimkhia ban iarap bynta ka koit ka khiah bad jingshngain jong baroh.