Lehbeiñ bad pynïap dusmon ïaka khynnah san snem: West Jaiñtia Hills

Syllad | The Rising MeghalayaJanuary 18, 2019

Jowai: Iwei I hep rit ba dang san snem ka rta ila shah lehbeiñ bad shah pynïap dusmon ha ki runar haka miet sngi Palei ha West Jaiñtia Hills District.

Kane ka jingjia kala jia haka shnong kaba jngai kumba 50 KM na Jowai kaba don ha thaiñ Iooksi bad la lap ïaka metïap ka heprit haka sngi Thohdieng.

Katkum ki dak ki shin ki runar hadien ba kila dep lehbor bad thombor ïa kane ka heprit kila pynïap ïaka da ka ksih na ryngdang bad bret ïaka metiap kham pajih na ka shnong ba ka sah ha kawei ka hali. La lap ruh ba ka jingdeng skhor kane ka heprit kala jah shilliang.

Ka khubor Pulit ka ïathuh ba kane ka khynnah kala jah na ïing haka por kumba 6 PM haka sngi Palei. Ki Pulit ki suba jur ba la leh ïa kane ka kam sang da u briew uba dang shu lait phatok bad ki dang thwet ïa u.

Halor kane ka jingjia ka jingtohkit jong ki Pulit kala ïaid shakhmat haka jingïalam u Additional Superintendent of Police Crime bad ki ophisar Women Police ka District West Jaiñtia.

Haka juh ka por ka KSU Iooksi Unit, kala pynrem jur halor kane ka jingjia kaba sngewtriem jong ka jingshah pynïap bad shah leh khlem rain ka heprit. Ka KSU ka kyntu ïaka tnad pulit ban shimkhia ban thwet ïa u runar ba donkti bad ban pynshitom katkum ki kyndon aiñ.

“Ngi kyrpad ïaki riewpaidbah ba lada don kiba ïoh jingtip halor kito kiba donkti ban leh dusmon ïaka heprit ba kin sngewbha ban pyntip kloi sha ki pulit lane sha ka seng ruh khnang banïioh kem ïa ki riew runar”, la ong u kyrwoh naka KSU Iooksi.

Featured Image Sources: Internet