Lehkmen Advance Khristmas ka JHDS bad ki khynnah ba duk

Syllad | The Rising MeghalayaDecember 15, 2024

Kum shibynta ban pyndonburom ia ka jingwan longbriew U Jisu Khrist nongpynim sha kane ka pyrthei, ka Jaintia Hills Development Society (JHDS) ryngkat bad ka jingkyrshan ka KHUBLEI Germany sa shisien pat ki la pynlong ia ka jingrakhe Khristmas lane Advance Christmas bad ki Khynnah kiba wan na ka longing baduk mynta u Snem 2024.

Ia kane ka prokram la pynlong ha phyllaw iing jong ka Samanlang Pastoral Centre, Bishop’s House, Lumbihsyntu Mihmyntdu haka 14 tarik u Nohprah 2024 ia kaba la pyniaid da u Ma Francis Langlein, Field Programme Associate ka JHDS ryngkat ka jingiadonlang u Fr. Manbha Pakem, Director ka JHDS, U Fr. Simeon Sungoh, GB Member ka JHDS, U Ma Denis Kurkalang, Coordinator ka JHDS bad kiwei de ki Staff ka JHDS. Ha kane ka prokram lehkmen la wan ia shimbynta da ki 161 ngut ki khynnah ryngkat bad ki kmie ki kpa jong jong ki bad la sam ruh ia ki jingai sngewbha Kristmas sha baroh kitei ki khynnah da kitei ki ar tylli ki Seng Treimon Sngewbha.

Kumban shu pynkynmaw ka Jaintia Hills Development Society ryngkat bad ka KHUBLEI Germany kila iarap sngewbha ia ki 161 ngut ki khynnah kiba duna ka jingioh jingkot da kaba pynlut pynsep bad pynshongskul ia ki naduh ka Klass 1 haduh Class XII. Ia kane ka lad jingiarap la sdang naduh u snem 2020 bad la nang iai bteng haduh kine ki sngi.