Lehkmen Children’s Day ka Dorbar shnong Loomkyrwiang

Syllad | The Rising MeghalayaNovember 15, 2024

Ka Dorbar shnong Loomkyrwiang haka 15 tarik Naiwieng kala lehkmen iaka sngi kyrpang ki khynnah ne Children’s Day haka jingialang kaba la long ha Iungwalieh ka dorbar shnong.

Ki jait jinglehkai ban pynsngewbha kiba ka Dorbar Shnong kala mang kyrpang na ka bynta ki khynnah ki long ka jingsam iaki tiar ialehkai, ki jingbam, ki jingshad jingrwai bad ka jingot ia u Children’s Day Cake bala shim bynta lang da baroh ki khynnah.

Haka jingialang la ioh ka jingnguh blei na u Ma SD Laloo General Secretary Dorbar shnong Loomkyrwiang katba ka Kong Samhakani Laloo Secretary WWC-LDC kala kren halor kane ka sngi kyrpang.

Ka Kong Samhakani Laloo haka jingkren kala ong, haba ia nujor bad ka por mynshwa bad ka pork aba mynta, ka rukom im ki khynnah kala pher bha, kumta kala kyntu iaki kmie ki kpa ban long kiba iohi jngai iaka miat ka bha ki khun khnang ba ka shnong ka thaw ia kata ka imlang sahlang kaba bha ba miat.

U Waheh shnong Ma Lammat-oo Laloo, ula ong ba ka por khynnah kadei ka por kaba kyrpang tam na baroh ki kyrdan haka longbriew manbriew bad haki saw samoi jong ka pyrthei ki khynnah ki dap tang da ka jingkmen jinsngewbha khlem jingkhuslai.

Hynrei haba phai pat ha kajuk mynta, ka juk jong ka mobile ula ong ba la iohi iaka jingma kaba khraw ha kaba ki khynnah ki im haka jingim kaba long marwei kaba pynjngai iaka jingsngew iajuh iajan, ka jingieid para marjan bad para dong para shnong, kumta ula kyntu iaki kmie ki kpa ban long kiba adkar iaki khun bad ban don da u pud u ang haba ai kano kano kaba ki khun ki pan.