Lehkmen WED ka Kiang Nangbah Govt HSS

Syllad | The Rising MeghalayaJune 4, 2022

Ka Kiang Nangbah Government Higher Secondary School, Jowai kala snohktilang ban iashimbyta haka jingrakhe iaka World Environment Day (WED) haka sngi Thohdieng.

Ka phang pdeng jong ka WED mynta ka kynti ka long “Only one Earth”.

Ki khynnah skul jong kane skul kila pynlong iaka jingthung dieng ha phyllaw kane ka skul ha Mynthong, Jowai.

Ha kane ka jingiathung dieng bad ka jingialap ban pynsngewthuh kumno ban tyngkai iaka jingbuh jingsat ka mariang la iadonlang ka vice principal Kong Nangroi Bthuh ha ryngkat bad ki nonghikai kiba kynthup iaka Kliss Rymbai, Emidaka Pasweth bad u Iakitboklang Sten.

Ka kong Bthuh haba kren kala ong ban ioh iaka lyer kaba khuid bad ka met ka phad kaba koit ka khiah kaba kongsan kaba ngi dei ban leh ka long ban pynneh pynsah iaka jingkhuid jingsuba bad ban ai ka jingiada iaka mariang.