Lehkmen Yoga Day ha Jowai, Laskein bad Amlarem Block

Syllad | The Rising MeghalayaJune 21, 2022

Kum ka dak ban snohkti lang bad satlak ka pyrthei, ka Yoga Cell ka IQAC, Kiang Nangbah Government College ryngkat bad National Service Scheme (NSS), ka Art of Living bad ki skul ba bapher bapher ha Laskein bad Amlarem Block kila lehkmen iaka 8^th International Day of Yoga 2022 haka sngi ba Ar.

Ka mat pdeng jong ka Yoga Day mynta ka kynti ka long “Yoga for Humanity”.

Ka Yoga Cell ka Kiang Nangbah Govt College kala pynlong ia kane ka jinglehkmen ban kilan Yoga ha Indoor Hall ka College kaba la iashimbynta da ki 110 ngut ki samla pule. La iashimbynta lang naduh ka Principal, ki officer ka NCC bad Co-ordinator ka NSS nalor ki nonghikai

Ka Art of Living Jaintia Hills Unit ryngkat ka Dorbar shnong Chilliangraij kala pynlong ha Yoga Day iungwalieh ka Chilliangraij. U Ma P Toi, President Art of Living Jaintia Hills Unit uba long ruh u instructor Yoga ula ai mynsien ïaki nongïashim bynta da kaba u ïathuh khana shaphang ka nongrim jong ka Yoga bad jingmyntoi ba ïoh haba leh ïaka Yoga. Ula kyntu ïa baroh ban pynmlien ban leh Yoga khnang ban ïoh ïaka met ka phat kaba koit ba khiah, ka bor pyrkhat pyrdaiñ kaba koit ba khiah bad ka spah mynsiem.

Kiwei ki shnong bad ki kynhun kiba iashimbynta ki haka Yoga Day ki kynthup iaka Panaliar Women’s Welfare Committee, Jowai, Shangpung Pohshnong, Pohmusiang UPS SSA ryngkat ka Nehru Yuva Kendra Sangathan, Jowai bad ka District Legal Services Authority, West Jaintia Hills District.

U Kamnipaya Challam, Yoga Instructor Art of Living Jaintia Hills Unit haba hikai shaphang ki rukom ka Yoga ula batai halor ka Asana, Surya Namaskar, Pranayama bad ka Meditation.

Ki skul kiba iakshimbynta ki kynthup iaka RC Eve Secondary School, Mihmyntdu ryngkat bad ka Children Home, Jowai. Ha Laskeiñ Block pat ki skul kiba la ïashim bynta ki kynthup iaka Seinraij LPS SSA, Mukhap, Umsalait Banmuhor LPS SSA, Saphai Kympreng LPS SSA, Pynthorsuwei LPS SSA bad ha Amlarem Block ki long ka Muktapur Bengalee Govt. LPS, Muktapur Bengalee UPS, Manghairyum UPS SSA, Shnongpdeng Govt. LPS bad ka Manghairyum LPS.

Ha RC Eve School, ka Kong Tina Lakiang, Secretary SMC kala ai ki kyntien lamkhmat bda ka samla Esalanmidaka Lyngdoh, Superintendent Children’s Home, Jowai bad ka Panbiang Kyndiah, Yoga Teacher ki la ai ki jingbatai shaphang ka Yoga bad ki rukom ïoh jingmyntoi naka Yoga.