Leit ai jingiarap Ka Sur U Paidbah EJH sha ka longiing ba ngat ha ka jingpluh ding

Syllad | The Rising MeghalayaOctober 25, 2024

Ka kynhun treimon sngewbha ka thaiñ East Jaintia Hills ba latip kum Ka Sur U Paidbah East Jaintia Hills District (KSUP-EJHD) ka la leit ban pynpaw ka jingsngwlem bad ai jingiarap sha ka longiing kaba la ngat ha ka apot na ka jingduh noh ia ka iing kaba ki shong ki sah na ka jingpluh ka iing.

Kane ka jingjia pluh iing kala jia haka 13 tarik u Risaw.

Kane ka kynhun ba la ialam da ki arngut ki Advisor kiba kynthup ia u Ma Kerlang Ksoo (Advocate) bad u Ma Justine Dkhar MLA barim ka 6-Khliehriat Constituency ha ryngkat ka jingiadonlang u Ma Deibormi Syad kum u Vice Chairman ki la leit ban aijingiarap sha katei ka longiing kaba la mad ia katei ka jingjia ba sngwsih kaba la jia ha ka 24 tarik u Risaw 2024 ha ka shnong Deiñshalalu da ka pisa T.27,020/-.

Ia katei ka pisa ba la ai sha katei ka longiing la synniang lang da ki dkhot jong kane ka kynhun ha kaba la ia don lang ruh u Ma Mewan Dkhar Waheh Shnong ka Deiñshalalu.

Hashwa ban ai ia katei ka jingiarap la pynlong ia ka jingialang kaba lyngkot ia kaba la pyniaid da u Ma Deibor Syad bad la ioh ruh ia ka jingkren ai mynsiem na ka bynta katei ka longiing na u Ma K Ksoo, Ma J Dkhar bad Ma M Dkhar.

Bam duh ka ding iaka iing ha Deinshalalu