Leit jngoh ka NCW ia ka longkmie ba shah thang dusmon ha la u kurim

Syllad | The Rising MeghalayaNovember 20, 2024

Ka kynhun jong ka National Commission for Women (NCW) ha ka 20 tarik u Naiwieng ka la leit jngoh ia kawei ka longkmie kaba don hapdeng ka jingshitom na ka jingshah thang dusmon ha la u jong u kurim jong ka uba kyrteng u Dahun Dkhar kaba la jia la mynta lah kumba shi bnai ei ei.

Kane ka longkmie mynta ka dang don hapdeng ka jingshah sumar hapoh Civil Hospital Shillong.

Haba kren sha ki lad pathai khubor ka dkhot ka National Commission Women ka Kong Delina Khongdup ka la iathuh ba na ka liang ka National Commission for Women kan pynthikna ba u kurim jong ka uba donkti ha kane ka kam thombor um dei satia ban ioh jamin na ka jingset phatok.

Ka Kong Delina Khongdup kala ong ruh ba ka Commission kan iaid bad kan buddien bad ki bor ka ain ha ka jingtohkit ban pynthikna ban shim da ki sienjam kiba tyngeh pyrshah ia u kurim bad ia kiba haiing u kurim kiba shah kynnoh donkti ban buhrieh ia kane ka kam bymman pyrshah ia kane ka longkmie.

Nalor kata ka kong Delina ka la iathuh ba ia u kurim jong kane ka longkmie la kem noh da ki Pulit bad na ka liang ka Commission kan pyrshang katba lah ha ka bor ban pynthikna ba une u runar  um dei ban ioh jamin katba ka lanot ka dang don hapdeng ka jingshah sumar.