Leit jngoh u Dy CM ia ki puja pandal bad ai khublei ia ki paid riewngeit Hindu

Syllad | The Rising MeghalayaOctober 23, 2023

U Symbud Myntri Rangbah ka jylla u Bah Prestone Tynsong hynne ka sngi Nyngkong u la pynlong ka jingleit jngoh ia ki puja pandal kiba don ha ki bynta bapher bapher jong ka nongbah Shillong kiba pynlong ia ka jinglehniam Durga Puja na ka bynta ki paid riewngeit Hindu.

Ha kane ka jingleit jngoh la synran lang ia u Dy.CM da ka Deputy Commissioner ka East Khasi Hills District,  ka Kong RM Kurbah nalor u SP ka East Khasi Hills, u Bah  S. Nongtnger nalor ki nongialam jong ka Central Puja Committee (CPC).

“Nga ai khublei Durga Puja ia baroh ki paid riewngeit Hindu bad nga kyrmen skhem ba kane ka puja kan long kaba iaid beit iaid ryntih bad kaba jop ha ka jylla baroh kawei” ong u Bah Prestone Tynsong.