Leit jurip u Myntri ka tnat Bording ia ka Myntdu Leshka Hydro Project, bishar ia ka jingpyntrei bad maramot
U Myntri ka Tnat Bording ka Jylla u Abu Taher Mondal ha ka 3 tarik mynta u bnai u la pynlong ka jingleit juirp ia ka Myntdu Leshka Hydro Project bad bishar ruh ia ki rukom treikam bad ha kaba iadei bad ki jingmaramot.
Ha kane ka jingleit jurip la synran lang ruh da u Director Generation ka Meghalaya Power Generation Corporation Ltd (MePGCL) u Bah R Majaw lem bad kiwei pat ki heh enjiniar na ka Tnat MePGCL.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka jingleit jurip ka long ruh ban bishar bniah halor ka jingpynmih bording kumba ka long mynta bad ruh ban iakren halor ki jingeh halor ki jingtreikam kiba iadei bad kane ka projek. Nalor kata la iamir jingmut ruh ha kaba iadei bad ki jingmaramot kiba dang iaid shakhmat na ka bynta ka Unit ba nyngkong ia kaba la khmih lynti ba kan lah ban ai biang ia ka jingshakri kat haduh ka 15 tarik u bnai Jylliew u ban wan.
Nalor kata kawei na ki mat ba la rah ha kane ka sngi ka long ruh halor ka jingduna ka mobile network hapoh ka Power House. Halor kane ka bynta la tyrwa ban pyntreikam noh da ki VHF ban pynbiang ia ki lad aijingtip hapdeng ka Damsite bad ka Power House.
Na ka liang u Myntri ka Tnat Bording u la shim ruh ia ka kabu ban leit jngoh ia ka Damsite bad jurip halor ka jingpyntrei kaba dang iaid shakhmat kaba long shibynta jong ka Dam Rehabilitation and Improvement Project. U Myntri u la ban jur ban trei minot ba janai ia ka M/S. Multi Tech Engineers, kaba dei ka kompeni ba la aiti ban pyndep ia kane ka projek.
Kane ka jingleit jurip ka pynpaw ia ka jingkut jingmut jong ka sorkar ban pynbha bad kyntiew ia ka kam pynmih bording ha ka jylla.
Leave a Reply