Liat ka trok kit dewiong ha nala ha surok Jowai Bypass

Syllad | The Rising MeghalayaFebruary 20, 2022

Kawei ka trok kit dewiong kaba mih na East Jaintia Hills District kala liat ha ka nala ha surok Jowai By Pass haka Sngi U Blei.

Kane ka trok ka don ia u register number AS 01NC 5725 ka kit ïa u dewïong na Soo Kilo ban leit pynhap sha Guwahati, hynrei ynda la poi ha Jowai Bypass hajan ka petrol pump ha Khliehtyrshi kala liat ha nala bad sahkut.

Kane ka trok kala pyrshang ban buhrieh da kaba kah jri tarpaulin ban thep ia u dewiong ha kawei pat ka trok kaba la phah kyrpang, hynrei kiba bun ki paidbah ba iaid lynti kila sakhi ia kane ka trok ba kit dewiong haka por ba ka thep.

U draibar jong katei ka trok ula iathuh ba ia une u dewiong la kit na Soo Kilo ban thmu ban kit sha Guwahati.