Liem ka Friends Utd haka Lion da ka 7 wicket haka Open to All Cricket ka WJHDCA

Syllad | The Rising MeghalayaApril 26, 2023

Ka Friends Utd XI kala hap ban mad iaka namrem ba nyngkong eh da 7 wicket pyrshah iaka Lion Sports Youth Affairs haka Open To All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka sngi Balang.

U Deibormi Rangad ula kylla long u namtam bad lam lynti iaka Lion ban khur iaka namjop hadien ba marwei ula khur 6 wicket kaba la biang pura ia u ban khur iaka nam man of the match. U Namewanki Pakyntein ula ioh 2 wicket.

Ka Friends Utd kala liem dei ka jingbym lah jong ka ban seng iaka nongrim kamai run ha kane ka jingiakhun pyrshah iaka Lion kiba ki nongkawang ball jong ka kila ialehkai bha mynta ka sngi.

Ka Friends Utd kaba la tied shuwa hadien ba kala jop iaka tos kala kamai tang 116/10  na ka 24.5 over. Tang ar ngut ki nongtied jong ka kiba la ioh ar dak jingkhien kiba kynthup ia u Marle Lathong  (28) bad Marshall Pariat (24)

Ka Lion haba poi ka pali jong ka ban tied kala kamai 122/3 na ka 16.3 over. U Firstbornson Dkhar (35), bad u Mewan Phawa (21) ki dei ki ar ngut ki nongtied ka Lion kiba la synniang khambun ka run.

Nakaliang ki nongkawang bala ka Friends Utd, u Pura Shadap, Shwamiki Paswet bad u Monjurlang Suchiang kila ioh mar shi wicket