Da ka Lockdown ha East Khasi Hills District bym lah tem iaka jingpur khlam COVID-19

Syllad | The Rising MeghalayaMay 5, 2021

U Myntri Rangbah ka Jylla Conrad K Sangma haka sngi Balang ula pynbna baka sorkar kala shim iaka rai ban khangdam (Lockdown) iaka East Khasi Hills District hadien haka jingbym lah ban tem iaka jingkiew ka jingiabit khlam COVID-19.

“Ka sorkar kala shim ia kane ka rai ban khangdam baroh ka East Khasi Hills District naduh 8 PM mynta ka miet (May 5) haduh 5 AM jong ka 10 May (Jymmang). Kane ka mut baka jingpyrkhing kaba kaba la pynjari kaba sah sa san sngi la pynkylla sha ka lockdown. Kumta kiba bun ki jingpyrkhing yn sa pynbna,” la ong u Myntri Rangbah Conrad K Sangma haka jingialang review meeting.

Ula pynbna ruh ban sha kiwei ki district kan don ka weekend lockdown ne ka jingkhang dam kut taiew, kata haka sngi Saitjain bad Sngi U Blei ban iakhun ban pyndkut iaka kynjri jingpur ka khlam COVID-19 ba shyrkhei.

Kiwei kiwei ki rai la shim ki kynthup:

• La pynkynriah iaka eksamin May 6 bad  7 sha ka May 11 and 12.

• Yn pyykhing iaka jingiaid ki kali motor Inter State ne nakwei ka Jylla sha kiwei

• Yn pyrkhing iaka Inter District haka Jylla na East Khasi Hills sha kiwei ki District.

• Baroh ki iew ki hat ba heh ha East Khasi Hills kynthup ka Shillong yn khang lut lait noh tang ki dukan kiba dei iaki mar kiba donkam bad ia kine ruh yn plie hala ki jong ki kyntoit jong ki shnong bad yn shah iaka Home Delivery.

• Ha kane ka jingkhangdam yn pyllait ia ki paidbah kiba ai tika COVID-19.

• Iaki jingiathoh shongkurim kiba la ioh jingbit ki lah ban pyndep bad la shah tang 20 ngut shi iing.

• Iaka jingleit pyndep niam iap briew la shah tang 20 ngut bad hap ban ioh jingbit na ki bor district.