Lok Sabha 2024: Pyni u paidbah da ka kam, jop ka liang pyrshah iaka Sorkar kaba ialam ka NPP ha Shillong bad Tura

Syllad | The Rising MeghalayaJune 4, 2024

U paidbah da kawei ka sur ula pyni da ka kam ba isih iaka sorkar kaba ialam NPP ha Jylla Meghalaya, ha kaba ha baroh ar tylli ki Parliamentary Constituency la jop da ka liang pyrshah.

U Saleng A Sangma u kyrtong ka Congress ula jop da na Tura Parliamentary Seat da kaba pynliem iaka Agatha K Sangma da ka 155241 votes hadien ba ula ioh 383919 votes. Ka Agatha kala ioh 228678 vote, Zenith M Sangma ka AITC ula ioh 48709 votes bad u Labenn CH Marak 6910 vote.

Haba phai sha ka Shillong Parliamentary Seat, u kyrtong ka Voice of the People Party (VPP) u Dr. Ricky AJ Syngkon ula ioh palat 571078 votes, u kyrtong Congress Vincent H Pala 199168 votes, Dr. Mazel Ampareen Lyngdoh kyrtong National People’s Party (NPP) kala ioh 186488 votes, Robertjune Kharjahrin kyrtong United Democratic Party 44563 votes, Prof. Lakhon Kma (Independent) 18582 votes bad Peter Shallam (Independent) – 7024 votes, ka NOTA – 11008 votes.

Ka jingjop ka VPP ka dei ka jingkhlei jong ka iaka juban lak ban pynduh pyndam iaka bamsap bampong ha Jylla.

Katba ha Tura ka jingliem ka NPP ka dei na ka jingrai iatreilang ka BJP bad ka NPP kaba la pynhiar arsut iaka NPP.