Long kiba sngewrit bad sngewthuh ïaka jingeh kiwei: Bishop Jylla Niam Jowai
JOWAI: Ka Balang Katholik Kyndongtuber, Mooksiang Parish, West Jaiñtia Hill District kala pynhap pyrda ïaka jingrakhe lyngkhuh snem ba 100 snem ka jingïaid lynti ka balang haka sngi U Blei, ha Kyndongtuber.
La pynkut ïaka jingrakhe da ka jingïaid procession Iukharist ha kaba da ki hajar ngut ki riewngeit napoh ka Jyllaniam Jowai kila iashimbynta. La wan sakhi da ki riew ngeit ka Balang Presbyterian, Church of North India, Niamtre bad kiwei kiwei kiba shah khot sngewbha.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha ka jingknia Mass bakhuid la lamkhmat da u Most. Rev. Victor Lyngdoh DD, Bishop ka Jyllaniam Jowai ha ryngkat ka jingsynran ki Lyngdohsohblei kiba wan na ki Parish bapher bapher jong ka Jyllaniam bad nabar.
U Bishop Victor haba sam ïaka ktien U Blei ula ong ba ngi dei ban shaniah ha u Blei haka jingim ba man la ka sngi. U ba duk u dei ban sngewthuh ïaka jinglong duk bad shaniah ha u Blei. Ka spah bunsien ka pynsarong ïa u briew bad u briew bunsien u shah tynjuh ha ki jingtynjuh ba har rukom kane ka pyrthei.
“Kum u briew ngi dei ban shaniah ha U Blei bad ngi dei ban long kiba sngewrit bad sngewthuh ïaka jingeh kiwei”, la ong u Bishop ka Jylla niam Jowai.
La nangpynkhraw shuh shuh ia kane ka sngi da ki jingrwai na ka kynhun nongrwai Trinity na Shillong bad na ka kynhun nongrwai jong ka Balang Presbyterian Kyndongtuber.
Haka jingiaid Procession Iukharist hapoh ka shnong Kyndongtuber la lamkhmat da ka Savio Juniorate Band Shillong bad mar ia sdang ban iaid ia ka Procession sdang ka jinghap slap, hynrei ka jingïaid Procession kala iaid beit iaid ryntih da kaba shongkun.
By: MM Thaiang
Leave a Reply