Lum ka IVCS Sohphoh iaki marrep jong ki nongrep ban pyniaid sha ki iew ki hat

Syllad | The Rising MeghalayaAugust 5, 2020

Ka Sohphoh Integrated Village Co-operative Society (IVCS) kum shibynta ban iarap ia ki nongrep ha kum kine ki por ba ki ia kynduh shibun ki jingeh ha ka jingiadei bad ki iew ki hat naka jingiakhun pyrshah ban pyndkut ia u kynjri jingpur ka khlam Coronavirus, ka la shim ia ka sien jam ban lum ia baroh ki mar ki rep ha shnong bad ban pyniaid iew ia ki sha kiwei ki jaka kum sha ki jylla Tripura, Assam bad kiwei kiwei ki jaka shabar bad sha ki district bapher bapher hapoh ka jylla.

“95 na ka 100 ki nongshong shnong ha Sohphoh ngi im na rep ka riang, hynrei naka daw ka jingkhang khyrdep ka sorkar iaki shnong ki thaw ban iada naka jingsaphriang jong u khniang jingpang COVID-19 bun ki nongrep ki la klumar jingmut bala shah ktah ka iew iadie iathied watla kala dei ka por ban kheit iaki jingthung jingtep jong ki.

Ka jingpur sted ka jingpang Covid-19 bun ki briew ki sngew syier mynsiem ban leit ban wan khamtam sha ki iew ki hat. Ngi na kaliang ka ka Sohphoh IVCS ban iarap iaki nongrep bad ban pynduna ka leit ka wan ki nongrep sha ki iew ki hat ngi la rai ban lum ia baroh ki marrep kiba pynmih ha shnong bad pyniaid iew ia ki sha ki iew ki hat,” ong u Secretary ka Sohphoh IVCS bah Mutshwa Thabah

Ula ong baka shnong Sohphoh ka pynmih bha ia ki jhur kum u Sohsaw, Sohkhia, Sohmynken Jhur, Soh ngang, Sohbaingon, Biskot bad kiwei kiwei ki jhur katkum ka aiom.