Lun maw ia ki Trok bad thang iaka kali pulit haka sngi on tep ia u Bah Cherish S Thangkhiew

Syllad | The Rising MeghalayaAugust 15, 2021

Ha ka sngi ba Jylla Meghalaya kala snohkitlang bad ka Ri ban rakhe iaka 75^th Independence Day haka Sngi U Blei, ka Jylla kala sakhi iaka u lyoh ba dum ha kaba ki paidbah kiba la bitar iaka jingshah pyniap u general secretary barim ka Hynniewtrep National Liberation Council (HNLC) Bah Cherish S Thangkhiew haka 13 tarik u Nailar kila mih paidbah ha kiba bun ki jaka ha Mawlai ban rah iaki lama iong ban pyrshah iaka sorkar bad ka tnad pulit.

.Ki paidbah kiba la bitar kila mih ban lun ruh iaki trok, ki kali pulit bad thang ruh ia kawei ka kali ha Jaiaw kaba don u number ML05 F 3013.

Ka khubor kaba iohlum ka iathuh ba kane ka kali ka dei ka kali ba pyndonkam ki pulit ka Mawkynroh Out Post. Kane ka kali kala shah knieh ha ki katto katne ha Mawlai Mawkynroh bad la ioh rah ruh iaka suloi Insas rifle.

Hadien pat la thang ia kane ka kali ha Jaiaw Pdeng, Shillong. Ki Pulit pynlip mar mar kila wan ban pynlip iaka ding.

Ka jinglong jingman ha Shillong kala shongsyier bad ka internet ruh ka sorkar kala lah ban shutdown ne pynduh hadien bala mih kane ka jingklumar.