Lyngngoh u paidbah ba leit jngoh u Jemino ia u Ardent haka jaka shah jingit

Syllad | The Rising MeghalayaMay 25, 2023

Kiba bun kila phai khmat bad pypaw iaka jing lyngngoh iaka jingwan jngoh u general secretary jong ka United Democratic Party (UDP) ia u Ardent Miller Basaiawmoit nongialam ka Voice of the People Party (VPP), uba la shong shah jingit la lai sngi lynter ban dawa pynbeit iaka Reservation Policy ha Additional Secretariat, Shillong haka sngi Palei.

Ka UDP ka dei ka seng riewlum kaba iatreilang bad ka sorkar MDA-2 kaba ialam ka National People’s Party (NPP) bad haka mat iakhun elekshon jong ka dangshen, kala buh ruh iaka reservation policy ne bhah ioh kam ban khmih bniah ne review ia kane ka policy.

Pynban dangshen haka jingialang jong baroh ki sain seng pyrthei kala mynjur lang ban thaw iaka committee on Roster System haka jingialang All Party Meeting kaba long haka 19 tarik u bnai Jymmang khlem da kren iaka reservation.

Une u nongialam ka UDP u ba long ruh u MLA barim ka Nongthymmai, u kubur ba haka manifesto ka UDP, kawei na ki mat jong ka ka dei ban review iaka reservation policy bad ula ong ba kin leit ban iakynduh ia Chief Minister ban kyntu ban iakren iaka reservation policy.