Lyngshop ka lyer kaba jur ryngkat u slap u phria ha Barato, julor spah tylli ki iing

Syllad | The Rising MeghalayaApril 15, 2025

Ka eriong kaba jur bha ryngkat bad u slap u phria kala wan lyngshop haka shnong Barato, West Jaintia Hills haka 14 tarik Iaiong haka por kumba 1:30 baje nohphaisngi kaba la wanrah iaka jingjulor ki iing ki sem bad ki mar ki mata.

Haba iakren bad u MDC Ma Aiborlang Shadap ula iathuh kane ka jingwan ka eriong, u phria ka la wanrah ka jingjulor ia kiba bun tylli ki longiing longsem haba bun tylli ki tnum iing kiba la sop da ki tin ki la shah lied haka lyer bad shah pynjot bad pei lut ki tnum.

Ym tang kata, ula iathuh ba ka um slap kaba la ioh ban rung shapoh ka iing na ka jingpei ki tin ba la tap hajrong tnum ka la pynjulor ruh iaki mar mata kiba don hapoh iing.

Haba pyrshang ban kylli halor ki jingshah ktah jong ki iing, ki jingthung jingtep, ki mrad ki mreng, u u Waheh shnong ka Barato u Ma Stelin Lamare ula ong ba haduh mynta ym pat lah ban ioh iaka jingkhein kaba pura, hynrei katkum ka jinglum jingkhein kaba kyrkieh na ka 1000 tylli ki longiing 60% dei ki longiing kiba la shah ktah bad bun ki jingthung jingtep kum ki jhur, ki soh ki pai kila shah pynjulor lut bad ruh ka jingiap ki sniang bad ki syiar.

Ula iathuh ruh ba ha kane ka jingwan lyngshop ka bor mariang donbok kam shym la don kano kano ka jingjia kaba sngewsih iaki nongshong shnong.