Lyngshop u phria bad ka lyer ha East bad West Jaiñtia

Syllad | The Rising MeghalayaApril 2, 2019

JOWAI: Ka ‘eriong bad u phria ryngkat u slap ba jur kila wan ban lyngshop ha ki katto katne tylli ki shnong ha East bad West Jaiñtia Hills District.

Kane ka jingwan lyngshop ka bor mariang kala wanrah ka jingjulor ïa bun bun tylli ki ïing ki sem kynthup ïaki jingthung jingtep.

Ha East Jaiñtia Hills District: Ka jingwan lyngshop ka bor mariang kala jia haka shnong Tongseng, Shnongrim bad Lelad kiba hap hapoh ka Saipung Block. Kane ka jingjia kala jia haka sngi Nyngkong ha kaba dang spah tylli ki iing kila shah ktah ha kaba ki tnum ïing kila pei lut.

Ha West Jaiñtia Hills: U Slap, u phria ryngkat bad ka lyer kaba jur bha haduh kala lyngshop haka sngi Nyngkong haka shnong Mooshrot, Niawkmai bad ki shnong ba marjan. Nalor ka jingjulor ki jingthung jingtep u phria ula pynjulor haduh 40 tylli ki ïing ha Niawkmai.