Maham ka Dorbar Shnong Khliehmyntriang ïa kiba pynsniew dur ïaka shnong

Syllad | The Rising MeghalayaDecember 30, 2019

JOWAI: Ka Dorbar Shnong Khliehmyntriang kala pynmih ka jingpynbna paidbah bad kala maham ïa baroh ki paidbah la ki dei ki trai shnong ne kiba na kiwei ki shnong kiba leh kmen snem thymmai ba kim bit ban pynjakhlia ïa ki um ki wah hapoh u pud u sam jong ka shnong Khliehmyntriang, East Jaiñtia Hills District.

Ka Dorbar Shnong Khliehmyntriang kala mana bad khang pyrshah ban bret bitor kyiad bad kiwei ki jait bitor, ki plastic bad ki ñiut kat shaba lap bashem.

Ka Dorbar Shnong Khliehmyntriang ka pdiang sngewbha ïa baroh ban wan shapoh u pud u ang ka shnong ban lehkmen leh sngewbha ban pdiang ïa u snem thymmai, hynrei la kyntu ïa baroh ba kim dei ban thaw klumar bad ban ban jur ban pynneh ïaka shongsuk shongsain hapoh shnong poh thaw.

U Ma Pleit Dkhar  Waheh Shnong Khliehmyntriang u la ong ba la da lap ïa kino kino kiba pynkhein ia aiñ shnong jong ka dorbar shnong kan pynshitom katkum ka aiñ shnong bad yn aiti ruh sha ka bor jong ka aiñ.