Maham ka Dorbar Shnong Ladmukhla ban pynklumar bad leh jakhlia ha Bacradi NH7

Syllad | The Rising MeghalayaOctober 31, 2019

JOWAI: Ka Dorbar Shnong Ladmukhla kala maham ïa baroh ki nongwan sha ka tamasa Bacardi NH7 Weekender ba kim bit  ban pynklumar bad lehjakhlia ïaka sawdong sawkun ka shnong Mukhla.

Ka Dorbar Shnong ha u kyrwoh bala phah da u Waheh Shnong Ladmukhla u Ma Ebormi Lyngdoh ula pynpaw ba ka dorbar shong ka pdiang sngewbha ïa baroh kiba wan sha ka tamasa Bacardi NH7 kaban long haka 1-2 tarik u Naiwieng.

Ka Dorbar Shnong ka kyrpad ïa baroh ba kin sngewbha ban iatreilang bad ka shnong ban lehkhuid iaka sawdong sawkun ka shnong ka thaw bad ban ym bit ban thaw klumar.

La mana ruh ia ki nong wan ba kim dei ban leh ia ki kam kiba ka shnong kam lah ban pdiang kum bad lada lap ka shnong kan pynshitom katkum ki aiñ shnong lane ban aiti sha ki bor jong ka aiñ. La mana ruh ïaki dukan baroh ba kim bit ban die kyiad bad kiwei ki jingdih pynbuaid.

Baroh kiba wan sha kane ka tamasa ki dei ban buh ïaki kali ha ka jaka ba dei ban pynieng kali bad ym shah ïa kino kino ki kali ban ieng ha surok lane pynthud iaka ïaka iadid ka ieng ki kali motor.