Maham ka dorbar shnong Ladthadlaboh ia kiba seng dukan khlem NOC bad bret niut pathar

Syllad | The Rising MeghalayaApril 27, 2025

Ka dorbar shnong Ladthadlaboh hadien ba la jur ka jingbret niut pathar sha ki lynti syngkieng bad ki jaka paidbah kala kyntu ia ki paidbah ban bud ryntih iaki ain aiñ shnong.

Ka dorbar shnong pynkynmaw ruh ba kino kino kiba seng dukan ne seng ia ki shlem treikam kim lah ban seng khlem NOC naka bor shnong.

Ha u kyrwoh bala phah da u Waheh Shnong Ladthadlaboh, u ma ABM Shullai ula ong ba ha kine ki khyndiat sngi la sakhi ba ki paidbah ki bym lah ban ithuh kila bret pathar iaki niut ki nier kiba mih na ki iing ki sem, na ki dukan sha ki lynti syngkieng, ha khmat iing briew bad ki nala paidbah kaba la wanrah iaka jingjakhlia bad sahkut ki nala.

Ka dorbar shnong kala kyntu ia baroh ban bret iaki niut ha ki jaka ba dei ban bret bad maham ia kino kino kiba bret pathar ha ki jaka paidbah. Ka Dorbar Shnong kala khang pyrshah iaki nongshong shnong kiba mlien ban pyllait iaka um jakhlia na ki painkhna cha ki nala paidbah kaba wanrah iaka jingsma bad pynjakhlia ruh iaki tylllong um kiba don sha jan kine ki nala.

Ka dorbar shnong kala maham jur ba kino kino kiba leh pyrshah kin ngat haka jingshah pynshitom katkum ka ain pynaiaid shnong.