Maham ka dorbar shnong Mihmyntdu iaki trai shnong bad bar shnong haduh ka sngi thep vote

Syllad | The Rising MeghalayaFebruary 25, 2023

Ka dorbar shnong Mihmyntdu kala pynmih da ka jingmaham ban khang pyrshah iaki trai shnong bad bar shnong ban rung ban mih hapoh shnong poh thaw tad haduh ka sngi thep vote.

U secretary dorbar shnong Mihmyntdu u Knerlang Phawa ula ong kane ka jingmaham kan treikam naduh Ka 25 tarik Rymphang 2023 naduh ka por 7 janmiet.

Ka shnong kala khang pyrshah ia kino kino ki briew napoh shnong lane bar shnong ban wan pynbeit pisa iaki nongshong shnong hapoh ka shnong.

La khang pyrshah ruh ia ki trai shnong ban rung canvass sha ki thliew ïing bad kim bit ruh ban iaid na kawei ka dong sha ka wei pat naduh ba sdang treikam kine ki kyndon haduh bakut ka jingthep vote.

Lakhang pyrshah ia kino kino kiba nabar lane napoh shnong ban wan pynheh sur bad wan pynklumar hapoh ka shnong.

Lada Lap iaki kino kino ki ba pynkhein iakane ka kyndon jong ka dorbar shnong ka shnong ka la rai ban pynshitom iaki. La Kyrpad iaki nongshong shnong ban iatrei lang naka bynta ka shongsuk shongsain jong ka shnong bad ban iashimbynta daka jingtip briew tip blei ha kane ka election.