Maham ka Dorbar Shnong Sohmynting ïa kiba bret masi iap pathar

Syllad | The Rising MeghalayaJanuary 27, 2020

JOWAI: Ka Dorbar Shnong Sohmyntiing kala maham ïa ki nongkhaii ne ki nongshalan masi kiba bret masi iap pathar hapoh u pud u sam jong ka shnong.

Ka dorbar shnong kala lap ba kine ki nongkhaii ne nongshalan masi ki bret pathar ïaki masi iap la bun sien ha Wahsiej lyngba ka surok Moodymmai Sohmynting bad shapoh shnong kaba wanrah ka jingsma iwtung bad kaba lah ban ktah ïaka koit ka khiah ki briew ba ïaid ba ieng.

Ka bor shnong kala mana ba ym bit ban bret iaki masi iap hapoh u pud u ang ka shnong bad lada lap ïa kino kino kiba leh pyrshah kan pynshitom katkum ki aiñ shnong.