Maham ka Dorbar Shnong Umkiang ia kiba thied vote

Syllad | The Rising MeghalayaFebruary 18, 2025

Ka Dorbar Shnong Umkiang, Elaka Narpuh, East Jaintia Hills District, ka maham jur ia kino kino ki candidate ne ki riewshimet kiba thied vote ne ban sam pisa hapoh u pud u ang ka shnong Umkiang naduh 6:00 PM ka 19 tarik Rymphang (February) 2025 tad haduh ban da dep ka sngi thep vote.

U Ma Lasting Pala, Waheh Shnong Umkiang ula ong ba kane ka jingmaham ka long ban pynlong ia ka jingjied nongmihkhmat sha ka District Council (JHADC) da ka lynti kaba khuid ba suba (Clean Politics), ban ailad ia ki nongshong Shnong ban jied nongmihkhmat da ka mon laitluid khlem ka jingpynbam pisa (cash for vote), khnang ban wanrah ia  ka jingsynshar kaba khuid ba suba hapoh ka ri ka muluk jong ka bri u hynniewtrep.