Maham ka JNC iaki nongdie marbam shim kabu

Syllad | The Rising MeghalayaMay 18, 2020

Ka seng Jaintia National Council (JNC) ka maham tyngeh ia ki nongdie mar bam khamtam ia ki nongdie wholesale bad kumjuh ruh ia ki nongdie khutia ba kim bit ban dei rem dor ne shim kabu ban die ia ki mar bam bad ki mar kiba la kut ka por ban die sha ki paidbah kaba lah ban ktah ia ka koit ka khiah jong ki briew.

Ki don bun ki ba duna ka jingnang jingstad, hynrei ki nongdie kim dei ban die klumar ia ki mar bam ba la kut por sha kum ia kine ki briew, la ong u Rimiki Dkhar President JNC-KC

Ki nongdie wholesale ki pyniaid iew ia ki stock barim jong ki tang ban lait na ka jingduh nong jong ki bad die beit ia ki mar bala palatc por (expire) tarik khamtam sha ki briew ba wan na nongkyndong.

Ka JNC kala maham ba lada ka lap ia kum kine ki nongshim kabu ka seng kan ym ai lad ia ki hynrei kan pynshitom ia ki kat kum ki kyndon jong ka ain ka seng ka kyntu ruh ia ki nongdie ba ki dei ban peit bniah shwa ia ki mar jong ki ha shwa ban die ia ki sha ki briew.