Maham ka JSU ia kiba pynshit bad wanrah jingpher jaidbynriew

Syllad | The Rising MeghalayaMarch 31, 2024

Ka Jaintia Students’ Union ka la maham tyngeh ia  u Gopal Dey bad iaka Coordination and Welfare Committee kaba u khlieh kum u president ba ym dei ban pynshit lane kynnoh klumar iaki dkhot ka KSU kiba pyniap iaki ar ngut bar jylla ha Ichamati.

U Gopal Dey um dei ban shu kynnoh klumar bad ki bor pulit kidei ban pynngat bad shitom ia u hapoh ka aiñ ia u kum kine ki briew kiba kynnoh khlem ki sakhi satar ba biang, ong ka JSU ha u kyrwoh ba kala pyllait.

Ka JSU kala ong ruh ba lada jia ei ei ia ki bar jylla, ym dei ban shu shah kynnoh beit ki dkhot sengbhalang na ka por sha ka por. Ka JSU kala dawa ruh na ka bor distrik bad na ka sorkar ba da leilei ymdei ban ai lad ban pynlong jingialang ki ne ki kynhun poi ei namar kan nang pynshit iaki dkhot ka jaitbynriew bad kan nang wanrah shuh shuh ia ka jingsngew pher jaitbynriew bad ia umsnam.

Ka JSU kala buh jingkylli ruh na ka sorkar jylla ba iaki bar jylla thrang snam kiba dkhat bad pyniap iaka mynsiem ba lui lui jong u samla Lurshai Hynniewta ha Ichamati, hato la ioh kem ne em iaki bad haei lah set iaki?. Ka JSU ka la dawa na ka sorkar ba kadei ban sei madan iaka case bad ban pynpaw pyrthei ia kito ki bar jylla kiba dkhat bad pyniap iaka jingim u samla jong ka bri u Hynñiewtrep.