Maham ka Ladthadlaboh VDP ia kiba leh pyrshah iaki aiñ shnong

Syllad | The Rising MeghalayaMarch 9, 2021

Ka Village Defense Party (VDP) jong ka Ladthadlaboh Dorbar Shnong hadien ba la bun ki briew kiba leh ia ki kam khlem akor kiba bym lah ban pdiang haka imlang sahlang khamtam haka por synia hapoh u pud u sam ka Ladthalaboh kala maham ba kan leh da kaba tyngeh ia kino kino kino kiba leh pyrshah iaki aiñ shnong la kidei kiba nabar ne ki nongshong shnong ka Ladthadlaboh.

Ki kam kiba la khang pyrshah ha Ladthadlaboh:

• Ban shong dih kyiad, bhang, dih drug bad kiwei kiwei ki jingdih pynbuaid.
• Ban bret pathar ia ki  jaboh jabain kat shaba lap ba shem
• Ban leh ki kam awria/khlem akor kiba ym lah ban pdiang da ka imlang sahlang
• Ban tim sih tim sang
• Ban pynsawa iaki kali bad kali ar shaka (Bike/Scooty)
• Ban tem pynheh iaki sur jingrwai hapoh kali
• Ban pynieng kali kat shaba lap ba shem ba pynthud iaka leit ka wan jong kiwei.

Lada lap ïa kino kino kiba leh pyrshah ïa kitei ki jingmana kin shah pynshitom katkum ki aiñ shnong kumjuh ki bor aiñ sorkar.