Maham ka Mukhla Dorbar Pyllun Fishing Association ia kiwa leh pynsih cha um cha wah

Syllad | The Rising MeghalayaMay 3, 2024

Ka Mukhla Dorbar Pyllun Fishing Association (MDPFA) maham joor ko ia ki bru kiwa leh pynsih cha um cha wah kam ha ka wah Myntang, wah Bam pyrthap, wah Yinru ki wah kiwa dang pait da ka association ha kam kini ki por wa da khian duna um ki wah da em kiwa chim kabu da kawa wieh lane e dawai e bih.

Ka sein lyngba u general secretary Charles Sumer, da pyntip u lada chem ko ia kam kini ki bru u pynchitom joor ko da kawa ei cha ki bor pulit bad kamjooh leh daw ka fine iong ka association man ko ka wa heh.

Ka sein da maham joor leh ia kiwa khaleh lane kiwa wai ia ki wah ki liar kamwa da jia ha kini ki sngi da em wa wai ia ka ban u Rilang kawa ha wah Yinru, lada chem ia kiwa leh daw u pynchitom joor.

Hei jooh I por kyrpad ko ia ki nong chong chnong wa ki jan chnong u ia kreh lang nei bynta u pynneh pynsah ia ki um ki wah kamjooh leh ia ki dohum doh wah.