Maham ka SDO ia ki nongleit nongwan na ka surok Lyngkyrdem-Laitlyngkot
Ka Sub-Divisional Officer, Pynursla Civil Sub-Division lyngba u kyrwoh ka buh ka jingkyntu ia ki nongleit nongwan kiba hap ban iaid lyngba na ka surok bah Lyngkyrdem-Laitlyngkot ba kin long kiba phikir bad da husiar.
Kane ka jingkyntu ka la wan long namar ka jingpyntrei ia ka surok bah ha ki bynta jong ka Lyngkyrdem-Laitlyngkot ka lah ban buh jingma na ka jingtwa khyndew/maw khamtam na ka jingwan jong ka aiom lyiur.
La kyntu ia ki paidbah ba kin kiar na ka leit ka wan kaba ym da donkam than ha ka por ba jur u slap ne hadien ka jingjur slap lyngba kane ka surok bad ban bud ryntih ia ki traffic signage bad ki jingbthah ba la pynmih da ki briew bala buh khnang ban pyniaid kali jong ka kompeni shna surok.
La kyntu ruh ia ki nongniah kali ba ki dei ban da niah husiar bad adkar khamtam ha ki jaka ba sharing bad jaka ba dang pyntrei ia ka surok.
Nalor kata la kyntu ba lada don kino kino ki dak jingtwa/jinghiar khyndew bad julor ka surok dei ban pyntip mardor sha ka ophis u Block Development Officer, Pynursla C&RD Block, Pynursla lane Sub-Divisional Officer (C), Pynursla Civil Sub-Division, Pynursla.
Kumjuh la kyntu ruh ban bud ryntih ia ki jingpynbna paidbah kiba shaniah bad ba la pynmih da ka sorkar na ka bynta kino kino ki jingpyntip ba donkam lane lada don kano kano ka jingkhang /jingpyniaid lait ia ka surok.
Facebook
Instagram
Youtube
Twitter
Leave a Reply