Maham ka Seiñraij Jowai ia kino kino kiba kynthoh pyrshah iaka niam ka rukom

Syllad | The Rising MeghalayaJune 21, 2021

Ka Seiñraij Jowai hadien bala don kiba kynthoh pyrshah iaka Niamtre ne Niam Tynrai, kaba ktah mationg iaka niam ka rukom ha kiwei pat ki jaid niam, kala maham ba nangne shakhmat kan nym map shuh shuh iano iano kiba kynthoh pyrshah iaka jingngeit niam tynrai.

U President ka Seinraij Jowai, u ma OR Shallam ula ong ba ha kine ki kyndiat sngi hadien bala pynbna ban pynlong iaka Behdieñkhlam la don uwei u samla uba kynthoh pyrshah ha ki YouTube channel jong ki khubor.

Mar mar ka Seinraij Jowai kala mudui da ka ejahar ha Jowai Police Station bad la kem ia une u nongkynthoh u bala tip kum u Samuel Latam, uba na ka shnong Mynthlu, East Jaintia Hills District.

Kiba haiing naduh ka kmie, u mama bad u Samuel kila pan map na ka Seinraij Jowai bad na kaliang ka Seinraij Jowai ruh kala map bad ia kane la pynbeit ha Jowai Police Station.

U Ma Shallam, ula ong ba nangne shakhmat ka Seinraij Jowai kan nym aili iano iano ban kynthoh klumar iaka Niamtre Niamtynrai namar ba la bun bun sien ki briew kiba na kiwei ki jait niam kila kynthoh pyrshah kaba wanrah ka jingsngewsih sngewdiaw ia ki riew ngeit Niam Tynrai Niamtre.

“Ngi burom iaka niam jong kiwei bad kiwei ruh ki dei ban burom markylliang,” la ong u ma Shallam.