Maham ka VDP Ladthadlaboh wow pynkyan kari, bike wei chong dih pynmuaid

Syllad | The Rising MeghalayaOctober 26, 2021

Ka VDP iong ka Ladthadlaboh Dorbar Chnong, Jowai da pynkynmoo biang ko ia phi waroh wa da maham pyrchah ia kiwon kiwon ki bru lada toh ki tre chnong nae mo kiwa nabar chnong kiwa:

1. Chong dih kyiad/dih bhang/dih drug/wa kiwi kiwi ki jingdih pyn-muaid.
2. Kiwa dai drug/dai bhang/dai kyiad.
3. Noh taroi ia ki jhep, kiwa pyntngit pyntaroi ia ka Chnong ka thaw.
4. Leh ia ki kam awria/khlem akor.
5. Klam sih klam sang.
6. Pynkyan ia ki kari/bike/scotty.
7. Pynheh ia ki sur tem hapoh kari.
8. Chong ke ha ki thaw wa doom.
9. Kiwa buh parking ha ki thaw wa pynwit/pynthut ia kiwi tawan.

Lada chem ia kiwon kiwon kiwa leh pyrchah ia kitaii ki jingmaham waa da kdaw hanein, u chah pynchitom ki kat kam ki aiñ Chnong wa ki bor iong ka aiñ Sorkar.

Kani ka jingpyntip wa emkam ka wa wan na ka Office iong ka V.D.P. Ladthadlaboh Dorbar Chnong, Jowai.