Maham ki saw seng ban beh ïaki bar jylla ba wan khaïi dewiong

Syllad | The Rising MeghalayaJanuary 5, 2022

Ki sengbhalang ba kynthup iaka JSM, KSU, FKJGP bad ka HNYF haka sngi Balang kila pynlong iaka jingialang ha Ladrymbai halor ka jingjyllei ki nongkhaii dewiong bar jylla ha East Jaintia Hills District.

Kine ki saw seng kila ong ba mynta la bun ki bar jylla (monsi) ba wan ban knieh ia ka jakpoh jong ki nongkhaii Dewiong jong ka thain. La ong ba kine ki bar jylla kila wan hi dalade ban thied bad pynthep dewiong bad kane kane ka jingleh jong ki ka la ktah iaka kamai kajih jong ki nongshong shnong.

Ka kam iadie iathied dewiong ha Byrnihat bad Beltola kala hiar sha ba palat kaba pynlong ia ki nongkhaii trai jylla ban duh nong.

Kine ki saw seng kila pynpaw iaka jingsgewkhia halor kane ka jingwan kine ki nongkhaii dewiong bar jylla bad kila rai ba naduh ka 07 tarik Kyllalyngkot (January) 2022 kin nym shah ia kine ki bar jylla ban wan thied dewiong hapoh ka district bad kila byrthen ruh ba lada lap kine ki bar jylla ki leh pyrshah kin beh shisyndon.

Kine ki saw seng kila maham ruh iaki trai shnong kiba leh benami bad iarap iaki bar jylla ban khaii dewiong. Ki la khot ruh iaka jingiatreilang ki nongkhaii trai jylla ban khang lad ia kine ki bar jylla.