Maham pyniap bad lehbeijot iaka khynnah 10 snem, kem pulit ia uwei ha West Jaintia Hills

Syllad | The Rising MeghalayaNovember 10, 2024

Uwei u briew ula shah kem noh haki pulit jong ka Nartiang Police Station halor ka jingkynnoh donkti ha kaba leh beijot ia kawei ka khynnah kaba dang 10 snem rta ha kawei ka shnong ha West Jaintia Hills District.

Halor kane ka jingjia ki ba haiing hasem kila mudui iaka jingujor ejahar haka 9 tarik Naiwieng ha u Officer Incharge Nartiang Police Station, West Jaintia Hills District.

Katkum ka ejahar, la iathuh ba kane ka jingjia kala jia haka 8 tarik Naiwieng katba kane ka khynnah ka dang don marwei ha iing haka por ba ka kmie jong ka, ka dang leit sha ka jingbylla.

Une u runar ula rung ha iingsah jong katei ka khynnah kaba don kham sha pajih na ka iing briew bad la kynnoh ula leh ia kane ka kam bymman ryngkat ka jing byrngem pyniap iaka bad iaka kmie jong ka lada ka iathuh briew.

Haka sngi kaba bud, kata haka 9 tarik Naiwieng ki pulit ka Nartiang ryngkat ka jingiatreilang ka seng Meghalaya Indeginous Women’s Council (MIWC) kumjuh ki bor pyniaid shnong kila ioh ban kem noh ia une u briew ba donkti haka kam leh beijot.

Ka Kong Bythygrace Dkhar president MIWC kala pynrem jur ia utei u briew bad dawa na ki bor ka ain ban set phatok shi jingim khlem da ai jamin shuh ia u lym kumta kan don ka jingshong syier jong ka thian hi baroh kawei.