Maham u DC ka EGH ia kiba kyntait ban pdiang ia ki pisa 10 tyngka nar

Syllad | The Rising MeghalayaJuly 26, 2023

U Deputy Commissioner ka East Garo Hills, u Vibhor Aggarwal u la pynmih ia ka jingmaham ia ki nongshong dukan, ki nongdie madan kumjuh ia ki nongthied nongpet hapoh ka district ki bym pdiang ia ki pisa 10 tyngka nar ba la pynmih da ka Reserve Bank of India.

Kane ka jingpynban ka la wan long hadien ba na ka liang ki bor sorkar ki la ioh jingtip halor ka jingkyntait jong ki nongshong dukan, ki nongdie madan kumjuh da ki paidbah nongthied nongpet ban pdiang ia kine ki pisa 10 tyngkat nar hapoh ka district kaba long pyrshah ia ki kyndon ain bad wanrah ka jingthut bad ka jingbitar hapdeng kiba bun ki riew paidbah.

Na ka liang une u heh ka district u la maham ruh ba kito kiba kyntait ban pdiang ia kine ki pisa 10 tyngka nar kin ngat ha ka jingshah pynshitom hapoh ki kyndon ain Section 188 jong ka IPC bad Section 6(1) jong ka Indian Coinage Act, 2011.

Image by Priyam Patel from Pixabay