Maham u DC ka EJH ia kiba kyntait ban pdiang ia ki pisa 10 tyngka nar

Syllad | The Rising MeghalayaJuly 20, 2023

Na ka liang u Deputy Commissioner, East Jaintia Hills District, Khliehriat u maham tyngeh ia kino kino kiba kyntait ban shim bad pdiang ia ki pisa 10 tyngka nar bad lada lap yn pynshitom katkum ki kyndon jong ka section188 IPC.

Na ka liang u DC lyngba une  u kyrwoh ula ong  khnang ban pyllait ia ki jingeh kiba ki paidbah ki iakynduh ha kaba iadei bad ka jingkyntait ban pdiang ia kine ki pisa nar 10 tyngka hapoh East Jaintia Hills District, kumta ruh la bthah ia baroh ki nongshong dukan, ki nongdie madan bad ki nongthied nongpet ba ki dei ban pdiang ia baroh ki pisa khutia nar ba la pynmih da ka Reserve Bank of India.

Katkum ki kyndon section 6(1) jong ka Indian Coinage Act 2011,baroh ki pisa khutia nar ki dei kiba treikam bad kiba lah ban thied bad pet. Kano kano ka jingkyntait ban pdiang ia ki ka lah ban lam sha ha ka jingshah pynshitom katkum ki kyndon kiba iadei bad ka penal code 1988.

Image by Priyam Patel from Pixabay