Maham u District Magistrate ka SWKH ban leh tyngeh ia kiba thang khlaw

Syllad | The Rising MeghalayaMarch 25, 2025

U District Magistrate ka South West Khasi Hills District, Mawkyrwat u Bah B Mawlong IAS u la pynjari da ka kyndon 163 BNSS kaba khang pyrshang ban thang ia ki jaka phlang, ki dieng bad kiwei pat ha ki jaka ba long khlaw khlem da peit bniah kiba lah ban buh jingma ban wanrah ka jingpluh khlaw bad ka jingjulor ia ka mariang, ia ki jingdon jingem bad wat ia ki mynsiem briew, bad lada lap ia kiba leh pyrshah yn pynshitom tyngeh hapoh kane ka kyndon ain.

Ia kane ka hukum la pynmih hadien ba la ioh pdiang ia ki jingtip halor ki katto katne ki jingjia pluh ding ha ki bynta bapher bapher jong ka District. Kane ka hukum ka la sdang ban treikam mardor tad haduh ban da pynbna da kumwei pat.

Kumta ruh ka jingpynmih ia kane ka hukum ka long kaba donkam ban pynthikna ia ka jingshngain jong ki paidbah nongshong shnong, ban pynthikna ia ka jingiada ia ka mariang kumjuh ruh ia ki jingdon jingem bad ia ka jingim briew.